Menu Content/Inhalt

Azal-orria

Marimaistra

Barren astekaria

Mediateka


Trinitateak 2008

Gida komertziala

Iragarki Laburrak

BARRENen ikerketa


Publizitatea

Advertisement
'Egunerokoan euskara sentitu egin behar dugu, gozatu. Hori egiten badugu, besteak batuko zaizkigu'
elgoiBARREN.net   
2014-11-21 12:43
Klik haundi ikusteko
 
Nola eragin haur eta nerabeek euskaraz egin dezaten’ izenburuko jardunaldietan parte hartuko du Jose Mari Agirretxe Porrotxek gaur zortzi, IMHn. Elgoibarko Izarrak eta Udalak elkarlanean antolatu dute jardunaldi hori, eta Euskal kulturatik bizipoza saretzera izenburuko saioan, Lasarte-Oriako esperientziaren berri emango du Porrotxek. www.elgoibarren.net-ek streaming bidez emango du jardunaldi osoa.
Komentarioak (0)
 
Santa Zeziliaren omenez kalejiran irten dira Elgoibar ikastolako ikasleak
elgoiBARREN.net   
2014-11-21 12:00
Klik haundi ikusteko
Santa Zezilia Bezpera eguna da gaur, hilak 21, eta Elgoibar Ikastolako umeak kalera irten dira instrumentuak hartuta. Kalegoen plazan batu dira 8:30ean eta herriko kaleak zeharkatu dituzte eskolara bidean. Arratsaldean trikiti doinuek girotuko dituzte herriko kaleak,kalejiran ibiliko dira-eta musika eskolako akordeoi eta pandero joleak, 18:30ean hasita. 
Komentarioak (0)
 
Martxa Morea izango da aurtengo berrikuntza azaroaren 25aren harira antolatutako ekintzetan
elgoiBARREN.net   
2014-11-21 09:03
Klik haundi ikusteko
Martxa Moreak Elgoibarko kaleetan izango duen ibilbidea.
Azaroaren 25a Emakumeenganako Indarkeriaren Kontrako Nazioarteko eguna dela eta, emakumeenganako indarkeria salatzeko hainbat ekitaldi antolatu dituzte, Elgoibarren eta Mendaron. Ekintza gehienak martitzenean bertan egingo dituzten arren, asteburuan pankarta erraldoi bat ere egingo dute Mendaroko Gaztelekuan, Beldur Barik lelopean. Aurtengo berrikuntza, baina, Martxa Morea izango da. 1,7 kilometroko ibilbidea korrika, oinez, bizikletan, patinetean edo bakoitzak nahi duen moduan egin ahal izango du.
Komentarioak (0)
 
Zaborrak gutxitzeak eta birziklatzeak duen garrantzia jolasaren bidez irakatsiko diete umeei
elgoiBARREN.net   
2014-11-20 20:25
Klik haundi ikusteko
 
Zero Zabor Bidean, jolastu izenburupean ginkana jokoa prestatu du, umeentzako, Debanatura elkarteak. Zaborrak gutxitzeak eta birziklatzeak duen garrantziaz ohartaraztea da jokoaren azken helburua. Domekan Mendaron egingo dute, azaroaren 29an Soraluzen, eta hilaren 30ean, Elgoibarren.
Komentarioak (0)
 
Katamalo musika taldearen zuzeneko diskoa, esklusiban BARRENen
elgoiBARREN.net   
2014-11-20 10:10
Klik haundi ikusteko
Katamalo musika taldeak Plateruenea Durangoko Kafe Antzokian eskaini zuen orain arteko azken kontzertua, 2011. urtean. Orduko kontzertuaren grabazioarekin egin duten diskoa Durangoko Azokan salgai jarriko dute.  Aurretik, ordea, Tokikomeko hedabideei eskaini diote saltzeko, Plateruena diruz laguntzeko kanpainaren barruan. Hortaz, BARREN aldizkariaren erredakzioan eskuratu ahal izango duzue Katamaloren azken zuzenekoaren diskoa, esklusiban. 
Komentarioak (0)
 
Ikastolako umeak kalera irtengo dira instrumentuak hartuta Santa Zezilia bezperan
elgoiBARREN.net   
2014-11-20 08:42
Elgoibar Ikastolako Lehen Hezkuntzako haurrak instrumentuak hartuta Santa Zezilia eguna ospatzera irtengo dira barixakuan, Santa Zezilia bezpera egunean. Azken egunetan kalean joko dituzten piezak prestatzen jardun dute ikastetxean, helarazi diguten honako bideoan ikus dezakezuen moduan. (egitaraua dauka)
Komentarioak (0)
 
Egun osoko lanuztea egingo dute gaur Osakidetzako langileek
elgoiBARREN.net   
2014-11-20 07:20
Klik haundi ikusteko
 
Greba eguna izango dute gaur Osakidetzako langileek Gipuzkoan. Egun osoko lanuztea, 8:00etatik 22:00etara, egingo dute osasun zentroetan, tartean Elgoibarko anbulatorioan. Galdutako enplegua berreskuratu, murrizketak salatu eta osasun zerbitzua hobetzea eskatuko dute.
Komentarioak (0)
 
Herriguneko kaleak autoentzat itxita egongo dira Mugikortasun Iraunkorraren Astean
elgoiBARREN.net   
2014-11-20 06:44
Klik haundi ikusteko
Kaleak oinezkoentzat berreskuratu nahi dituzte Mugikortasun Iraunkorraren Astean
Mugikortasun Iraunkorraren Astea izango da azaroaren 24tik 30era, Nire autorik gabeko hiria lemapean. Ohiturak aldatzeko eta herritarrak sentsibilizatzeko kanpainaren barruan, herriko erdigunea itxita egongo da ibilgailuentzat.
Komentarioak (0)
 
Puntu lila bistaratzeko kanpaina abiatu dute erakundeek
elgoiBARREN.net   
2014-11-19 13:40
Klik haundi ikusteko
 
Emakumeen kontrako indarkeriaren aurkako sinboloa da puntu lila, eta zenbait erakundeek (Gipuzkoako Foru Aldundia, Emakunde, Udalak) sinboloa zabaltzeko kanpaina jarri dute abian, tartean Elgoibarko Udaleko Berdintasun sailak. Hil honetan zehar puntu lila erabiltzera deitu dituzte herritarrak, “irudi hau publikoa egitea zuen mezuetan, zuen webguneetan, sare sozialetan, egoitzetan, eskutitzetan, eta bururatzen zaizuen leku guztietan”. Deskargatzeko moduan jarri dute Interneten.
Komentarioak (0)
 
Orientazio Raiden inguruko saioak hasiko du gaur Morkaikoren mendi emanaldien zikloa
elgoiBARREN.net   
2014-11-19 13:13

Klik haundi ikusteko

 

Azken urteotako ohiturari jarraituz mendi-emanaldi zikloa antolatu du Morkaikok azaro-abendu bueltarako. Gaur (azaroak 19) izango da aurreneko saioa, raid proben inguruan. Aaron Garmendiak eta Imanol Garaizabalek (ondoko argazkian) eskainiko dute hitzaldia, musika eskolan.

Komentarioak (0)
 
Elgoibarko Gizarteratze Mahaiak boluntarioak behar ditu janari bilketa bat egiteko
elgoiBARREN.net   
2014-11-19 11:21
Klik haundi ikusteko
Gipuzkoako Elikagaien Bankuak jasoko du batutako janari guztia.
 
Oinarrizko beharra dutenei laguntzeko janari bilketa bat hasi nahi dute herriko saltokietan Elgoibarko Gizarteratze Mahaia osatzen duten elkarte eta erakundeek (Sartu, Lanbide, Nagusilan, Kalamua Guraso Elkartea, Elgoibarko Caritas, Pobreziaren Kontrako Plataforma, Stop Desahucios, Elgoibarko Gurutze Gorria eta Elgoibarko Udala), Gipuzkoako Elikagaien Bankuak azaroaren 28an eta 29an egin asmo duen janari bilketa kanpainarekin bat eginez. Boluntariok behar dituzte.
Komentarioak (0)
 
Errigora ekimenak 146 saski saldu ditu Elgoibarren
elgoiBARREN.net   
2014-11-18 11:23
Klik haundi ikusteko
 
Elgoibarko herriak erantzun ezin hobea eman dio Errigoraren Udazkeneko kanpainari. Izan ere, aurten, guztira, 146 otar saldu dira Elgoibarren (joan den urtean baino 120 gehiago). Antolatzaileak oso pozik azaldu dira ekimenak izan duen harrerarekin, lehen egunetan aurreikuspen guztiak gainditu baitziren.
Komentarioak (0)
 
'Musikalean' egitasmoarekin bat egingo dute Elgoibarko eta Mendaroko musika eskolek
elgoiBARREN.net   
2014-11-18 07:21
Klik haundi ikusteko
Trikitilariak barixakuan irtengo dira kalejiran
Azaroaren 22an da Santa Zezilia eguna, eta horren harira hainbat ekintza antolatu dituzte Elgoibarren eta Mendaron. Euskal Herriko musika eskola ia guztiek egingo duten moduan, Elgoibarko Inazio Bereziartua eta Mendaroko Ameikutz musika eskolek ere, Musikalean izeneko ekimenarekin bat egingo dute, eta musikaz girotuko dituzte kaleak. Era berean, Ikastolako umeak ere irtengo dira kalera instrumentuak hartuta, Santa Zezilia bezperan. Eta, Udal Musika Bandak ere kontzertu berezia eskainiko du domekan.
Komentarioak (0)
 
Herriko 19 kirol taldeek Kirol Federatuaren Saria nori eman aukeratu behar dute abenduaren 5erako
elgoiBARREN.net   
2014-11-18 06:48
Klik haundi ikusteko
2013ko sarituak, antolatzaileekin eta mahai-inguruko parte hartzaileekin.
 
2014ko Kirol Federatuaren Sariak banatuko ditu Elgoibarko Udal Kirol Patronatuak abenduaren 22an. Aurrez, baina, herriko 19 kirol taldeek saria zeini emango dioten jakinarazi behar diote Kirol Patronatuari. Abenduaren 5era arteko epea dute.
Komentarioak (0)
 
DanobatGroup saritu dute Global Asia sarietan
elgoiBARREN.net   
2014-11-17 14:18
Klik haundi ikusteko
 
Espainiaren eta Txinaren arteko hartu-emanetan eragin nabarmena izan duten enpresa eta pertsonak saritzen dituzte Global Asia sarietan. Hirugarren urtez antolatu dituzte aurten, eta DanobatGroup izan da sarituetako bat. Txinan dauden enpresa espainiar onenaren saria jaso du kooperatibak, duela urte askotatik hona egiten ari den "lan handiagatik", eta Txinako merkatua bezalako merkatu konplexuan lortutako "arrakastagatik". 
Komentarioak (0)
 
Jose Mari Ondartza elkarrizketatu dute Herri People telebista saioan
elgoiBARREN.net   
2014-11-17 12:40
Klik haundi ikusteko
 
Jose Mari Ondartza idazle elgoibartarra elkarrizketatu du Ibon Gaztañazpi kazetariak Herri People telebista saioan, orain gutxi kaleratu duen Rio Gorabera izeneko liburuaren harira. (bideoa dauka)
Komentarioak (0)
 
Mausitxako gaztak irabazi du Ordizia Txapeldun gazta lehiaketa
elgoiBARREN.net   
2014-11-17 11:13
Klik haundi ikusteko
Jesus Ansola eta Rosa Salegi, Ordizian jaso duten azken sariarekin. Arg: Goierrekohitza.
 
Azken hamar urteetan (2005etik 2014ra) Ordiziako gazta txapelketa prestigiotsua irabazi duten gaztagileek hartu zuten parte Ordizia Txapeldun 27. gazta txapelketan. Elgoibarko Mausitxa gaztandegiak hiru gazta aurkeztu zituen lehiara, hiru alditan irabazi baitu Ordiziako txapelketa (2005, 2007 eta 2009), eta horietako batek irabazi zuen txapeldunen txapelketa.
Komentarioak (0)
 
Karakateko igoerako errekorrak ondu dituzte Inigo Larizek eta Nahia Quincocesek
elgoiBARREN.net   
2014-11-15 13:01
Errekorren edizioa izan da 21. Karakateko igoera. Iñigo Larizek bi segundoan ondu du iaz ezarritako errekorra, eta 27:37ko denboran laga du marka berria. Emakumezkoetan ere errekorra ondu du Nahia Quincoces lekeitiarrak (34:21). Parte hartzaile kopuruari dagokionez ere, sekula baino antxitxikari gehiago izan dira aurten, 119 lagun guztira. (argazkiak eta bideoa dauzka)
Komentarioak (0)
 
'Alboka' laneratze proiektua aurkeztu dute IMHn
elgoiBARREN.net   
2014-11-15 09:03

Klik haundi ikusteko
IMH, La Caixa, Kalexka eta Elgoibarko Udaleko ordezkariak.

 

IMHk eta Kalexka elkarteak garatu dute Alboka laneratze proiektua, Elgoibarko Udaleko Ongizate Sailarekin eta La Caixa Gizarte ekintzak finantzatuta. Kualifikazio baxua eta hezkuntza arautua jarraitzeko zailtasunak dituzten gazteei zuzendutako proiektua da.

Komentarioak (0)
 
Musika eta makinen hotsak uztartuko ditu Kataia ikuskizunak makina-erremintaren museoan
elgoiBARREN.net   
2014-11-14 06:18
Makina-erremintaren mendeurreneko ospakizunen barruan, Kataiak izeneko ikuskizuna aurkeztu dute gaur. Aitor Nova musikari elgoibartarraren proiektu honek musika, museoko makinen hotsak eta enpresetan grabatutako irudi zein soinuak uztartzen ditu, makina-erremintaren iragana, oraina eta etorkizuna irudikatuz. Azaroaren 28an eskainiko dute Elgoibarko makina-erremintaren museoan, eta hiru saio izango dira: 19:30ean, 20:30ean eta 21:30ean, eta sarrera doan izango da.
Komentarioak (0)
 
Friday Market egitasmoa antolatu du Txankakuak gaur iluntzerako
elgoibarren.net   
2014-11-14 06:06
Klik haundi ikusteko
Herriko merkataritzari bultzada emateko Friday Market egitasmoa antolatu du Txankakua Merkatari Elkarteak gaur (azaroak 14) iluntzerako. 18:00etatik 22:00etara bitartean elkarteko 23 merkatari Kalegoen plazan izango dira, euren azken berrikuntzak erakusteko. Antolatzaileek esan dutenez, horrenbeste merkatari batzen diren estreinako aldia izango da.
Komentarioak (0)
 
Karakateko 21. igoera jokatuko dute zapatuan
elgoiBARREN.net   
2014-11-13 07:37
Herriko kirolzale eta mendizaleak Karakateri begira jarriko dira datorren zapatuan, azaroaren 15ean, Karakateko igoeraren 21. edizioa jokatuko baita. Iaz 94 lagunek hartu zuten parte igoeran eta 38 segundoan ondu zuen probako errekorra Iñigo Larizek: 27 minutu eta 39 segundoan egin zuen Kalegoen plazatik Karakateko tontorrera arteko bidea.
Komentarioak (0)
 
Asier Urain Euskadiko txapeldun motokrosean
elgoiBARREN.net   
2014-11-13 07:28
Klik haundi ikusteko
 
Euskadiko Motokros Txapelketako bederatzi probetatik zazpi irabazita eskuratu du txapela Asier Urain elgoibartarrak, promesa mailan. Denboraldiko azken proban, Quintanamariako motokrosean lortu zuen azken garaipena (ondoko argazkian).
Komentarioak (0)
 
Aitziber Olaizolak irabazi du Euskadiko hiru txirlo bolo txapelketa
elgoiBARREN.net   
2014-11-12 16:46
Klik haundi ikusteko
Euskadiko Hiru Txirlo bolo txapelketaren 25. edizioko azken jardunaldia jokatu zuten zapatuan, Aiastiako bolatokian. Azken jaurtialdiko emaitzak batu ostean, Floreaga Bolo Elkarteko Gorka Etxaniz azkoitiarra, gizonezkoetan, eta San Migel taldeko Aitziber Olaizola elgoibartarra, emakumezkoetan, dira aurtengo Euskadiko txapeldunak. (ondoko argazkian, gizonezkoen podiuma eta emakumezkorik onena)
Komentarioak (0)
 
Nepaleko Sakaton Peak mendian bide berria ireki du Alberto Fernandez eskalatzaile elgoibartarrak
elgoiBARREN.net   
2014-11-12 14:34

Klik haundi ikusteko
Alberto Fernandez Sakaton Peak mendian gora. Arg: FEDME.

 

Espainiako Mendizale Federazioaren alpinista gazteen taldeak, tartean Alberto Fernandez elgoibartarrak, “Pura Vida” izeneko bide berria ireki du Sakaton Peak (6.325) mendian, Kysar haranean, Nepalen. Eskalatzaile gazteentzat ikasturte amaierako bidaiaren parekoa izan da Himalaiara egin dutena, honekin amaitutzat eman dute-eta hiru urteko trebakuntza sasoia.

Komentarioak (0)
 
'Euskaraz bizi nahi dut!' flashmob-a, Euskararen Nazioarteko Egunean
elgoibarren.net   
2014-11-12 11:16
Klik haundi ikusteko
Josu Mujika dantzari eta koreografo elgoibartarrak zuzenduko du flashmoba.
 
Euskararen Nazioarteko Eguna ospatzeko prestaketa-lanetan dihardu Elgoibarko zenbait elkarte, ikastetxe eta erakundek. Hainbat ekintza antolatu dituzte, eta horietako bat flashmoba izango da. Euskaraz bizi nahi dut! flashmob-a dantzatuko dute abenduaren 3an, Kalegoen plazan, eta antolatzaileek herriar guztiak dantzan jarri nahi dituzte. Azaroaren 20an hasiko dira entseguak.
Komentarioak (0)
 
Eguberrietako loteriaren zenbait txartel baliogabetu ditu Elgoibarko parrokiak, desagertu direla-eta
elgoibarren.net   
2014-11-12 10:23
Klik haundi ikusteko
 
Espainiako Loteria Nazionalaren Eguberrietako zozketako zenbaki baten partizipaziok saltzen ari da Elgoibarko parrokia, baina txartel batzuk baliogabetu behar izan dituztela jakinarazi dute, desagertu egin direla-eta. 
Komentarioak (0)
 
Elgoibar eta Mendaroko dozenaka lagunek hartu zuten parte erabakitzeko eskubidearen aldeko mosaikoan
elgoiBARREN.net   
2014-11-11 13:20
Klik haundi ikusteko
Klik haundi ikusteko
Gure Esku Dago herri mugimenduak deituta, 10.000 lagun batu ziren zapatuan Donostian, euskal herritarren erabakitzeko eskubidea aldarrikatzeko mosaiko handia osatzeko. Elgoibartar eta mendaroarrek ere jarri zuten euren ondar alea mosaikoan (argazkiak eta bideoa dauzka)
Komentarioak (0)
 
Sare Eguna egingo dute Mendaron azaroaren 22an
elgoiBARREN.net   
2014-11-11 07:14
Klik haundi ikusteko
Sare herri-sarera batutako mendaroarrek talde-argazkia atera zuten azaroaren 7an.
 
Euskal preso eta iheslarien aldeko Sare herri-sarea sortu dute Mendaron ere, eta egitasmoarekin bat egin duten mendaroarrek Sare Eguna antolatu dute azaroaren 22rako. Alkortara igoerarekin batera egingo dute, eta , besteak beste, herri kirolak, herri bazkaria eta kontzertuak antolatu dituzte. (egitaraua dauka)
Komentarioak (0)
 
84 elgoibartarrek eta 23 mendaroarrek amaitu zuten Behobia-Donostia lasterketaren 50. edizioa
elgoibarren.net   
2014-11-10 10:23

Klik haundi ikusteko
Aritz Ruiz de la Torre, 165. zenbakiarekin.
Urrezko ezteiak bete ditu aurten Behobia eta Donostia lotzen dituen lasterketak, eta sekula baino lagun gehiagok hartu zuten parte proban. Guztira 26.428 antxitxikarik zeharkatu zuten Boulevardeko helmuga-marra, tartean 84 elgoibartarrek eta 23 mendaroarrek. Gure ordezkarien artean Alberto Revuelta izan zen azkarrena. Sailkapen nagusiko 14. postuan sailkatu zen, 1:06:46ko denborarekin. (sailkapenak eta argazkiak dauzka)

Komentarioak (0)
 
Sabin Osoro: 'Herriaren alde egin dut egin dudan guztia, eta pozik nago'
elgoiBARREN.net   
2014-11-07 18:17
Klik haundi ikusteko
Lanerako ez du sekula nagirik izan Sabin Osorok (Elgoibar, 1922). Gizarte eta enpresa alorreko hamaika ekimenei lotuta ageri da bere izena Elgoibarren, eta ekintzailetasun hori, lanerako agertu duen “izaera nekaezina eta adoretsua”, nabarmendu ditu Gure Balioak sariketako epaimahaiak. Eguaztenean jaso zuen saria, Mutrikun, iazko saridun Carmelo Urdangarinen eskutik. Zumaiako etxean hartu gaituzte Sabinek eta haren emazte Garbiñe Uriguenek, saria jaso bezperan.
Komentarioak (1)
 
Udaletxeko balkoia atonduko dute astelehenean, Euskadiko Oroimenaren Eguna dela-eta
elgoiBARREN.net   
2014-11-07 18:01
Klik haundi ikusteko
 
Azaroaren 10a Euskadiko Oroitzapenaren eguna dela-eta, Elgoibarko udaletxeko balkoia apainduta egongo da astelehenean, indarkeriaren eta terrorismoaren biktima guztien oroimenez. Udalak herritar guztiei dei egiten die bizikidetzaren harira burutuko diren ekintzetan parte hartzera.
Komentarioak (0)
 
Auto bat erori da A 8 autobidetik Maltzagako bidegorrira
elgoiBARREN.net   
2014-11-07 14:22
Miraria gertatu da duela minutu gutxi batzuk Andikanotik Maltzaga arteko bidean. A 8 autobidetik Bilboranzko noranzkoan zihoan auto batek istripua izan du eta hamar bat metro beherago dagoen bidegorriraino erori da. Erorikoan ozta-ozta gainditu du trenaren tunelaren irteera, eta gutxigatik ez da jauzi Deba ibairaino. Ibilgailuan zihoazen bi lagunek zauri arinak besterik ez dituzte izan. Hori izan da miraria. (argazkiak eta bideoa dauzka)
Komentarioak (0)
 
Asier Lizarralde elgoibartarrak irabazi du gazteentzako Asmaola+enpresa industrialen ideia lehiaketa
elgoiBARREN.net   
2014-11-07 13:34
Klik haundi ikusteko
 
Asier Lizarralde Arrillaga (Elgoibar, 1990) gaztearen lana saritu du Asmaola+ enpresa industrialen ideia lehiaketako epaimahaiak. Zuhaitzak inausteko makina automatiko aurreratua aurkeztu zuen Lizarraldek, sei metrotik gora dauden adarrak inausteko balio duena, eta epaimahaiaren arabera. 
Komentarioak (0)
 
Makina-erremintaren etorkizuna irudikatu dute IMHn
elgoiBARREN.net   
2014-11-07 09:28
Klik haundi ikusteko
Makina-erremintaren eta industriaren etorkizuna Euskadin jardunaldiko hizlariak, antolatzaileak eta agintariak IMHn.
Makina-erremintaren mendeurrena ospatzeko urte osorako egitaraua prestatu zuen Elgoibarko Udalak. Sektorearen iraganari eta orainari buruzko ekintzak antolatu eta gero, makina-erremintaren etorkizunaz eta sektoreak dituen erronka nagusiez hausnarketa egin dute, gaur (azaroak 7), Makina-erremintaren eta industriaren etorkizuna Euskadin izeneko hitzaldi sortan, IMHn. Jardunaldi osoa bideoan jaso dute antolatzaileek.
Komentarioak (0)
 
Hitzaldiak, ikusentzunezkoak eta mahaingurua eskainiko ditu Morkaikok mendi emanaldi zikloan
elgoiBARREN.net   
2014-11-07 06:34
Klik haundi ikusteko
 
Beste behin ere, egitarau zabala prestatu du Morkaiko mendizale taldeak Udazkeneko mendi emanaldi ziklorako. Azaroaren 19an hasiko da Imanol Garaizabalek eta Aaron Garmendiak raid probei buruz eskainiko duten emanaldiarekin. Aurtengo berrikuntza, baina, mendi lasterketetan diharduten hiru emakumerekin antolatu duten mahai-ingurua izango da.
Komentarioak (0)
 
2015ari ongi-etorria Elgoibartik egingo dio EITBk
elgoibarren.net   
2014-11-06 13:33
Klik haundi ikusteko
 
EITBk Elgoibartik emango ditu abenduaren 31ko kanpaikadak. San Bartolome parrokiako kanpaiak eta ordularia izango dira, beraz, EITBk urteari agur esateko aukeratu dituenak. 
Komentarioak (0)
 
2015eko martxoaren 23an pasako da Korrika 19 Elgoibartik eta Mendarotik
elgoiBARREN.net   
2014-11-06 12:46

Klik haundi ikusteko
Bilbon aurkeztu dute gaur goizean Korrikaren hemeretzigarren edizioa, 2015eko martxoaren 19tik 29ra, Urepelen hasi eta Bilbora arteko bidea egingo duen euskararen aldeko lasterketa erraldoia. Elgoibarrera martxoaren 23an, astelehenean, ailegatuko da korrikaren lekukoa. Iluntze aldera sartuko da Soraluzetik eta Elgoibarko kaleak zeharkatu ostean Mendarorantz joango da. (bideoa dauka)

Komentarioak (0)
 
Perretxiko erakusketa ez antolatzea erabaki du Karakate elkarteak, arazo ekonomikoak medio
elgoiBARREN.net   
2014-11-06 10:51
Klik haundi ikusteko
 
Arazo ekonomikoak direla medio, Perretxiko erakusketa antolatzeari uko egin dio aurten Karakate Mikologi Elkarteak. Hogeita hamabi urtez Debarroko Perretxiko Lehiaketa antolatu zuen Karakatek, eta 2007an lehiaketa izatetik erakusketa izatera pasa zen. Aurten, hortaz, 40. edizioa izango zatekeen. 
Komentarioak (0)
 
Ekintzailetza sustatzeko hitzaldi-tailerra antolatu dute azaroaren 14rako
elgoiBARREN.net   
2014-11-05 19:41
Klik haundi ikusteko
Debegesa Garapen Agentziak eta Elgoibarko Udalak antolatuta, datorren azaroaren 14an, barixakua, herritarren artean ekintzailetza sustatzeko hitzaldi-tailerra emango dute Musika Eskolan. Deskubritu zure pasioa. Nola lortu benetan nahi duzun bizitza izenburupean, motibazio eta trebakuntza saioa eskainiko du Iker Fernandez coach profesionalak (ondoko argazkian).
Komentarioak (0)
 
Gehiago...

Bideo eta argazkiak



Azken komentarioak


Aupa aitxa!
Besarkad haundi bat Argentinatik. Zorionak! Mikel
(Mielk)

Aupa aitxa!
Mutrikun izango gara eguaztenean, zure aitxaren sorlekuan. Harro egongo litzateke aitxitxa Patxi!
(Mielk)

Xahuketa
Bestalde ondo legoke jakitea zenbat diru xahutu den datu ezagun eta interesatu hauek lortzeko, ezta?
(mikelmikel)

Contador..
Contadorrek positibo eman zuen; ez dut entzun txis...
(eguzkilore)

Itziarko Armstrong
Eguzkilore jaun/andrea, kirol proba “amateur” bate...
(Armstrong)

Elkarrizketak


Sabin Osoro

Bideo inkesta


Zelan jaso duzu ETAren su-etena?

Albisteak ePostaz jasotzeko






Komentarioak egiteko







Pasahitza ahaztu zaizu?, egin klik hemen

Erabiltzaile izenik ez badaukazu, erregistratu zaitez
Une honetan 27 bisitari